662
			Bedydd

Ymgrymwn, Arglwydd, ger dy allor lân
  i ddeisyf bendith ar yr oedfa hon;
O tyred atom yn dy fedydd tân
i buro’n natur a chynhesu’n bron.

Datguddia inni werth ysbrydol dras
  wrth gydaddoli’n deulu yn gytûn;
ein deisyfiadau clyw, pâr deimlo’r ias
  syn brawf o’th bresenoldeb di dy hun.

Yn nŵr y bedydd gwelwn ddarlun byw
  o galon Tad a’i feddwl am ei blant
a’r ffynnon o drugaredd sydd yn Nuw
  a’i dyfroedd iach yn disychedu’r sant.

Doed gras ein Harglwydd Iesu Grist yn hael
  a chariad Duw 1’n plith drwy’r ordinhad,
a doed yr Ysbryd Glân i gannu’r gwael,
  y Tri yn Un i’n hawlio’n ddinacâd.

D. HUGHES JONES